Մեր երեք տարի տևողությամբ կրթական ծրագիրը ներառում է ընդհանուր առմամբ 1080 ժամ տեսական և գործնական ուսուցում։ Դասերը անցկացվում են շաբաթական երեք անգամ՝ 2.5 ժամ տևողությամբ, և ամբողջ ծրագիրը կառուցված է փուլային մոտեցմամբ՝ ապահովելով աստղաբանության գիտելիքների աստիճանական ու խորքային յուրացում։ 

Ուսուցման առաջին փուլում ուսանողները ծանոթանում են հիմնական հիմունքներին՝ մոլորակների իրական դիրքերին, կենդանակերպի համակարգին, տարերքներին, խաչերին, տների նշանակությանը, հիմնական ասպեկտներին և անհրաժեշտ մաթեմատիկական հաշվարկներին։ 

Երկրորդ փուլը նվիրված է մոլորակների վարքագծին կենդանակերպերում և տներում, նրանց բնութագրերին ու հոգեբանական դրսևորումներին։ 

Հաջորդ փուլերում ուսումնասիրվում են ղեկավար մոլորակները, նրանց ուժեղ և թույլ դիրքերը, ինչպես նաև ասպեկտների ամբողջ համակարգը՝ ներառյալ կոնֆիգուրացիաները և կրիտիկական աստիճանները։

Դասընթացի ընթացքում ուսանողները ուսումնասիրում են մոլորակների տրանզիտները, ժամանակային կանխատեսումների մեթոդները՝ դիրեկցիաներ, պրոգրեսիաներ ու ֆիրդարներ, ինչպես նաև հարաբերությունների աստղաբանությունը, որը ներկայացվում է գիտական և էթիկական շրջանակում։ 

Ծրագրի շարունակության մեջ ընդգրկված են սոլարներն ու լունարները՝ տարվա կանխատեսումների համար, խորարային և էլեկտիվ աստղաբանությունը՝ հարցերի վերլուծության, տեղաշարժի և լավագույն ժամանակների ընտրության նպատակով, ինչպես նաև մունդան աստղաբանությունը, որն ընդգրկում է երկրների քարտեզների ու սոցիալական գործընթացների ուսումնասիրություն։

Ավարտական փուլերում ուսանողները ծանոթանում են բժշկական աստղաբանությանը՝ առողջության նախահակումների դիտանկյունից, մանկական աստղաբանությանը՝ երեխաների քարտեզների առանձնահատկություններով, ինչպես նաև մի շարք լրացուցիչ թեմաների, որոնք ամրապնդում են մասնագիտական կողմնորոշման և վերլուծական մտածողության հմտությունները։ Այս ամբողջական և խորքային ծրագիրը հնարավորություն է տալիս աստղաբանությունը ուսումնասիրել փուլային, համակարգված և կիրառական եղանակով։

Ծրագրի ամբողջ ծավալը 1080 ժամ է։